Scapers
ایک سے چار اناڑی مالی۔ ایک اجڑا ہوا لان۔ کلائنٹ کے گھر لوٹنے سے پہلے اسے خوبصورت بنا دیں۔
- زبانیں: 53
- games.scapers.inputs
جائزہ
ایک سے چار کھلاڑیوں کے لیے بنی Scapers ایک ہنگامہ خیز کو-آپ باغبانی گیم ہے۔ آپ اور آپ کے دوست ایک اجڑے ہوئے لان کو، افراتفری سے بھری ایک ایک شفٹ میں، ایک خوبصورت اور شاندار باغ میں بدلتے ہیں، اور اس دوران آپ کا مقابلہ ہوتا ہے الٹنے کو تیار ہتھ ریڑھیوں، بری طرح الجھے ہوئے پائپوں، اچانک حملہ آور کیڑوں اور ایک دوسرے کی غلطیوں سے۔
ہر کنٹریکٹ ایک ہی گھر پر گیم کے کئی دنوں تک چلتا ہے، اور جو کچھ آپ بناتے ہیں وہ بنا ہی رہتا ہے۔ ہر صبح ایک نیا نقشہ ملتا ہے، ہر شفٹ دن کے کام نمٹانے کی دوڑ ہوتی ہے جس میں پانی دینا، جڑی بوٹیاں نکالنا اور صفائی بھی ساتھ ساتھ چلتی ہے، اور ہر شام اس بھاگ دوڑ پر ختم ہوتی ہے کہ کلائنٹ کی گاڑی آنے سے پہلے ہر اوزار اور کچرے کا ہر تھیلا واپس ٹرک میں پہنچ جائے۔ دن کی کمائی سے اپ گریڈز خریدیں، اور کل پھر یہی سب۔
کنٹریکٹ کے اختتام پر کلائنٹ لان کا معائنہ کرتی ہے اور اسٹارز دیتی ہے۔ کوئی ایک دن بھی حد سے زیادہ بگڑ گیا تو پوری ٹیم کی چھٹی۔
نمایاں خصوصیات
- 1 سے 4 کھلاڑیوں کے لیے کو-آپ ہنگامہ، ایک ہی صوفے پر یا آن لائن۔
- ایک ہی لان پر روگ لائٹ کنٹریکٹس جہاں سب کچھ برقرار رہتا ہے: جو پیر کو بنایا وہ جمعے کو بھی وہیں ہوگا، غلطیوں سمیت۔
- فزکس بھی مقابلے پر: مڑتے اور پھٹتے پائپ، ڈگمگاتی ہتھ ریڑھیاں اور دو دو بندوں سے اٹھنے والا سامان۔
- ہر طرف کیچڑ: گیلی مٹی پر پاؤں پھسلتے ہیں، اور صاف ستھرے آنگن پر کیچڑ بھرے قدموں کے نشان آپ کو مہنگے پڑتے ہیں۔
- شفٹ کے بیچ ہنگامی صورتحال: پانی کی مین لائن پھٹنے اور چھچھوندروں سے لے کر اس کلائنٹ تک جو اچانک اپنا فیصلہ بدل لیتی ہے۔
- سنوارنے کو چار جگہیں، مضافات کے گھر سے لے کر پینٹ ہاؤس کی بالکونی تک، اور ساتھ میں ٹرک اپ گریڈز، اوزاروں کے لائسنس اور نہایت اوٹ پٹانگ لباس۔
اسٹورز
اسٹور پیجز ابھی لائیو نہیں ہوئے۔ جیسے جیسے ہر پیج کھلے گا، اس کا لنک یہاں آ جائے گا۔
سسٹم کی ضروریات
سسٹم کی ضروریات کا اعلان لانچ کے قریب کیا جائے گا۔
