Scapers

Scapers, ஒன்று முதல் நான்கு பிளேயர்களுக்கான களேபரமான கோ-ஆப் தோட்ட வடிவமைப்புக் கேம். நீங்களும் உங்கள் நண்பர்களும் சேர்ந்து, நாசமான ஒரு தோட்டத்தை, ஒவ்வொரு ஷிஃப்ட்டிலும் பரபரப்பாக உழைத்து, அழகான பங்களாத் தோட்டமாக மாற்றுகிறீர்கள். இடையில், கவிழத் துடிக்கும் தள்ளுவண்டிகள், சிக்கல் தீராத தண்ணீர்க் குழாய்கள், திடீரென்று படையெடுக்கும் பூச்சிகள், ஒருவர் மாற்றி ஒருவர் செய்யும் தவறுகள் என எல்லாவற்றோடும் போராட வேண்டும்.

ஒவ்வொரு ஒப்பந்தமும் ஒரே வீட்டில் பல கேம் நாட்கள் நீடிக்கிறது; நீங்கள் கட்டியவை அப்படியே நிலைத்திருக்கும். ஒவ்வொரு காலையும் ஒரு புதிய திட்ட வரைபடம் வரும்; ஒவ்வொரு ஷிஃப்ட்டும், தண்ணீர் பாய்ச்சுவது, களை எடுப்பது, சுத்தம் செய்வது என எல்லாவற்றையும் சமாளித்தபடி அன்றைய வேலைகளை முடிக்கும் ஓட்டப்பந்தயம்; ஒவ்வொரு மாலையும், வாடிக்கையாளரின் கார் வந்து நிற்கும் முன் எல்லாக் கருவிகளையும் குப்பைப் பைகளையும் டிரக்கில் ஏற்றும் அவசரத்தில் முடிகிறது. அன்றைய கூலியை மேம்படுத்தல்களுக்குச் செலவழியுங்கள்; நாளை மீண்டும் அதே ஓட்டம்.

ஒப்பந்தத்தின் முடிவில் வாடிக்கையாளர் தோட்டத்தைப் பார்வையிட்டு நட்சத்திரங்கள் வழங்குவார். ஒரே ஒரு நாள் படுமோசமாகப் போனாலும் போதும், மொத்தக் குழுவுக்கும் வேலை போய்விடும்.